1487. Juni 13. Breslau

Nicolaus Tawchan d. d. Scol. Can. et Off. Wrat. Discreto viro domino in Czarnowąß Ebdomadario et presentibus requisitis Salutem in domino. Mandamus vobis Quatinus peremptorie moneatis Deodevotas virgines dominam Priorissam et Conventum Monasterii Sanctimonialium in Czarnowons manentes Vt infra hinc et festum Nativitatis sancti Johannis Baptiste proxime futurum Venerabili et Religiosis viris domino Abbati et Conventui Monasterii sancti Vincencii ante Wrat. ord. Prem. de censibus claustralibus sex marcarum de termino sancti Johannis Baptiste satisfaciant cum effectu ut tenentur. Alioquin huiusmodi termino monicionis evoluto Et alias Iusticia exigente Dominam Priorissam excommunicamus Conventumque ab ingressu Ecclesie suspendimus Dei nomine in hiis scriptis. Quas sic excommunicatas et suspensas singulis diebus dominicis publicetis donec a nobis fuerint absolute. Datum Wrat. die xiii mensis Junii A. d. mcccc° lxxx vii. Litteram reddite sigillatam diem execucionis ad eandem consignando.
Presentis mandati facta est execucio feria sexta ipso die Viti martiris. Execucio facta est per me fratrem Mathiam vicarium in Carnowß ipso die Viti martiris (Juni 15.).

literatura

Codex Kein Siegel. Silesiae, hrsg vom Vereine für Geschichte und Alterthum Schlesiens, Bd 1, Urkunden des Klosters Czarnowanz. Hrsg von dr W. Wattenbach, Breslau 1857.